Төбәк авылында яшәүче Шәмселбанат Әскәровага 95 яшь тулды [+фото]

Утызынчы еллар башында нык корылык булганлыктан, әтиләре, балаларын алып, Чимкент якларына китә. Кире туган авылына әйләнеп кайтып, 15 яшьлек Шәмселбанат механизаторлар әзерләү курсларында укый, 8 ел тракторда эшли. 1945 елда сугыштан-исән-сау кайткан Шәяхмәт белән гаилә коралар. Җиде бала тәрбияләп үстерәләр, бүгенге көндә бишесе исән-сау. Шәмселбанат апа лаеклы ялга чыкканчы фермада сыерлар сава. Бүгенге көндә төп йортта яшәүче улы Илшат, килене Гөлнур гаиләсе тәрбиясендә хәерле, имин гомер кичерә, 15 онык, 22 оныкчыкның да яраткан әбиләре ул. Аны юбилее белән башкарма комитет җитәкчесе урынбасары Таһир Шәрәфиев, социаль яклау яклау бүлеге начальнигы Марсель Хуҗин, Олы Кибәче авыл җирлеге башлыгы Айрат Сафин тәбрикләп Россия Президенты Путинның Котлавын тапшырдылар.