Теләче районында коточкыч юл фаҗигасе: һәлак булучы бар [+фото]

автор, 26 май 2017 - 11:23

811

Бүген төнлә Теләче районында Мәскәү номерлары белән булган "Вольво"автоцистернасы "Лада Гранта" автомобиле белән бәрелешкән. Нәтиҗәдә, җиңел машина йөртүче һәлак булган.

Теләче районында коточкыч юл фаҗигасе: һәлак булучы бар [+фото]

Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр итәләр.

Һәлакәт төнге сәгать 3тә М7 трассасының 895нче километрында булган. Юл-транспорт һәлакәте аркасында җиңел машина йөртүчесе урында ук үлгән, дип яза "Татар-информ".

Зур Нырсы авылы посты янгын сүндерүчеләре урынга килеп, автомобиль аккумуляторын сүндергән һәм махсус гидравлик корал ярдәмендә "Лада Гранта" автомобиленнән машина йөртүченең үле гәүдәсен алган.