Ялгышлык белән бирелгән “артык” хезмәт хакын кире кайтармаска да мөмкин булуын аңлатканнар

Хезмәткәр ялгышлык белән хезмәт хакын тиешледән артык алган икән, кайбер очракларда аны үзендә калдыруга хокуклы. Юрист Олег Черкасов әйтүенчә, эш бирүче хезмәткәрдән артык бирелгән акчаны сорарга мөмкин анысы, әмма хезмәткәр аның үтенечен мәҗбүри үтәргә тиеш түгел.
Тиешледән күбрәк түләү исәп-хисаптагы ялгышлык белән, эшләүченең үз гаебе белән яки бухгалтерия хезмәткәренең үз файдасына “тырышуы” сәбәпле килеп чыкканда гына “артык” акчаның кире кайтарылуы мәҗбүри. Мондый очракларда эш бирүче хезмәткәрнең эш хакының бер өлешен тотып калуга хокуклы. Әмма хезмәткәр бу карар буенча да судка яки хезмәт бәхәсләре буенча комиссиягә шикаять бирә ала, дип яза “Прайм” газетасы.

Ватаным Татарстан