Узган төндә күзәтелгән “канлы” Ай фотолары чыкты

Россиянең көнчыгыш төбәкләрендә яшәүче халык узган төндә гаҗәеп күренеш күзәтте. Ай кызару, тулу, зәңгәрсу төскә керү күренешләре берьюлы булды. Хәзер челтәрдә фотолары чыга башлады.

Астрономнар шушындый сирәк күренешне соңгы тапкыр 150 ел элек күзәткән булган. Көннең аяз булуы күренешне яхшылап карарга мөмкинлек бирде.
Хәтта телескоп, бинокль кулланмаган килеш тә, Айның гаҗаеп халәтен күреп була иде.

"Татар-информ" 31 гыйнварда Айның Җиргә якынаюын, Ай тотылуны һәм тулы Айны берьюлы күзәтеп булачак, дип хәбәр иткән иде.

NASA Айның тотылуын турыдан-туры трансляцияләде.