1 декабрьгә кадәр түләргә
Федераль салым хезмәте идарәсенең районара инспекциясе 1 декабрьгә кадәр милек салымнарын түләп бетерергә кирәклеген искәртә. Татарстан Республикасында физик затларның милек салымнарын түләү, шулай ук 2020 ел өчен физик затлар кеременә салым буенча хәбәрләр җибәрү башланды. Күчемсез милек, җир һәм транспорт чаралары булган гражданнарга исәпләнгән салымнарны 2021 елның 1 декабренә кадәр түләп бетерергә кирәк.
Илдәге санитар-эпидемиологик вәзгыять шартларында, салым түләүләрен дистанцион рәвештә дә башкарырга мөмкин. Моның өчен “Налоги ФЛ” мобиль кушымтасы, Россия Федераль салым хезмәте сайтындагы “Физик затлар өчен шәхси кабинет” аша, шушы ук сайттагы “Уплата налогов и пошлин” сервисы ярдәмгә килә.
Следите за самым важным и интересным в Telegram-каналеТатмедиа
Нет комментариев