1 гыйнвардан Россиядә бюджет өлкәсендә эшләүчеләрнең хезмәт хакы 13,2 процентка артачак

 Сүз социаль хезмәткәрләр, табиблар, укытучылар, мәдәният хезмәткәрләре һәм дәүләт хезмәткәрләренең башка категорияләре турында бара. Бу хакта Дәүләт Думасының Социаль сәясәт комитеты әгъзасы Светлана Бессарабка сылтама белән «РИА Новости» хәбәр итә.

Ул билгеләп үткәнчә, бюджет хезмәткәрләренең хезмәт хакларын арттыру кабул ителгән бюджетта каралган. Атап үтелгән белгечләрдән тыш, хезмәт хакын Роспотребнадзор, Росстандарт хезмәткәрләренә, урман хуҗалыклары хезмәткәрләренә, гадәттән тыш хәлләр министрлыгы белгечләренә дә күтәрәчәкләр.

Депутат билгеләп үткәнчә, бу үзгәрешләр судья, сенатор һәм депутатларга кагылмаячак.

Тулырак: https://tatar-inform.tatar/news/1-gyinvardan-rossiyada-byudzet-olkasenda-eslacelarnen-xezmat-xaky-132-procentka-artacak-5897397