34 яшьлек казанлы халыкны 50 миллион сумга алдаган

Финанс пирамидаларыннан зыян күрүчеләр һаман саен очрап тора.

34 яшьлек казанлы Чувашстанда финанс пирамидасы төзеп, акча салучыларны 50 миллион сумга алдаган.

Тикшерүчеләр версиясе буенча, ул 2013 елның февраленнән 2015 нең февраленә кадәр югары процент (еллык 29-60 процент) вәгъдә итеп, җирле кешеләр белән кертем килешүләре төзегән. Килешү сроклары бер айдан алып бер елга кадәр тәшкил иткән.

Тик кешеләр акчаларын да, вәгъдә ителгән процентларны да ала алмаганнар. Соңрак пирамиданы оештыручы качкан. Аңа карата җинаять эше кузгатканнар.

Әлмәт таңнары