6 июнь – рус теле көне
2011 елдан башлап 6 июнь рус теле көне буларак билгеләп үтелә, Пушкин көнен 1997 елдан бирле бәйрәм итәләр. Рус теле көненең нәкъ менә шушы датада үткәрелүе А.С. Пушкинның 6 июньдә тууы белән бәйле. Пушкинны рус теленә нигез салучы дип әйтсәк, һич тә ялгыш булмас.
Җирдә 150 миллион кеше рус телендә аралаша, ә тагын 100 миллионы аны икенче тел буларак куллана. Рус теле – киң таралган славян теле, географик яктан караганда танылган Европа теле дип тә атап була. Шулай ук бу телне Халыкара космик станциягә эләгергә теләүче һәрбер косманавт белергә тиеш!
Рус телен камил белүче лидер илләр булып Украина, Белоруссия, Казахстан һәм Үзбәкстан тора. Чит илләргә килсәк, рус телендә Польшада, Германиядә, АКШ, Болгария һәм Чехиядә әйбәт сөйләшүчеләр бар икән.
Шушы көнне илнең төрле почмакларында шушы темага кагылган кызыклы чаралар үтә. Мәсәлән, Югары Шытсу авылы китапханәсе мәдәният йорты белән берлектә балалар өчен А.С. Пушкинның иҗатына багышланган “Сказка за сказкой” дигән әдәби сәгать-викторина үткәрә. Шулай ук китапханәче балаларга Пушкинның гомере һәм иҗаты белән таныштыра. Сорауларга җавап бирү, төрле өзекләр буенча әкият исемнәрен әйтү, бөек әдипнең шигырьләрен уку да каралган.
Альмира Мәүлетова.
Фото: https://pixabay.com
Следите за самым важным и интересным в Telegram-каналеТатмедиа
Нет комментариев