Алсу һәм Ксения Собчак Башкортстанның Илеш районында башкортча биеп күрсәтте

Танылган телетапшырулар алып баручысы, журналист һәм Россия Президентына элеккеге кандидат Ксения Собчак җырчы Алсу белән бергә аның әтисе — Ралиф Сафинның туган җире булган Уяндык башкорт авылында булдылар. Бу хакта «Башинформ» хәбәр итә.

Авылда танылган кунакларны җыр-бию, чәк-чәк һәм башка сый-хөрмәт белән каршы алдылар. Ксения белән Алсу түзеп тора алмады, җирле коллектив белән башкорт биюен биеде.

Башкортстанга Россиянең мәшһүр ике заты сәфәренең сәбәбе әлегә игълан ителми.

Фото: соцсети

Чыганак: tatar-inform.tatar