Җанатар паспорты булган чит ил кешеләре Россиягә визасыз керә алачак

Футбол буенча Дөнья чемпионатына килгән чит ил җанатарлары 2018 елда виза һәм башка документларын рәсмиләштермичә Россиягә кабат әйләнеп кайта ала. Бу хакта ДЧ-2018 гә йомгак ясауга багышланган брифингта ТР спорт министры Владимир Леонов белдерде.

Леонов сүзләренчә, Казан җанатар паспорты булган чит ил кешеләре белән элемтәдә һәм яңадан туристларны кабул итәргә әзер.

Исегезгә төшерәбез, республикабыз башкаласында мундиальнең алты матчы узды. «Казан Арена»дагы уеннарны 254 448 тамашачы караган.

Фото: tatar-inform | Салават Камалетдинов

http://maydan.tatar