Apple Pay түләүләр системасы Россиядә эшләми башлады

Apple корпорациясе Россия территориясендәге Apple Pay түләүләр системасының һәм башка сервисларның эшен чикләде һәм илдә продукция сатуны туктатып торуын раслады.

Моннан тыш, App Store кибетеннән Россиядән тыш, барлык илләрдә ике дәүләт массакүләм мәгълүмат чарасы — RT һәм Sputnik кушымталары алынган. Мондый карар Россия тарафыннан Украинада махсус операция уздыру аркасында кабул ителде. Бу хакта компаниягә сылтама белән «Рейтер» агентлыгы хәбәр итә.

Хәзер Россиянең рәсми сайтында Apple гаджетларын сатып алу мөмкин түгел, кулланучылар кәрзингә товар өсти алмый.

Фото: t.me/tatmediaofftop

Чыганак: tatar-inform.tatar