Балаң кич йөрсә, үзеңә шелтә

Рөхсәт ителгән  23 сәгатьтән соң законлы вәкилдән  башка җәмәгать урыннарында йөргән яшүсмерләргә карата төзелгән  өч беркетмә  тикшерелде.  Саба шәһәр, Ике басу Арташ, Шәмәрдән  авыл җирлекләреннән чакырылган балигъ булмаганнар  әниләре белән бергә җавап тотып, кисәтелделәр. Шулай ук Саба шәһәр җирлегеннән  машина йөртү таныклыгы булмаган килеш  әнисенең машинасы белән идарә иткән укучыга  карата материал каралды. Гаилә казнасына зур зыян салган  яшүсмергә кылган гамәле өчен озак үкенергә туры киләчәк.  Әни кешегә  алга таба да улын ныклы контрольгә алу кирәклеге искәртелде.  Олы Кибәче һәм Шәмәрдән авыл җирлегендә яшәүче ике  әти-әни балигъ булмаган балалары алдында спиртлы эчемлекләр кулланганнары һәм исерек хәлдә булганнары  өчен комиссиягә чакырылганнар иде.

    МСРК  утырышы  гаризасы нигезендә  Мишә авыл  җир­легеннән бер гаилә социаль яктан авыр гаилә­ләр исемлегенә куелды. Олы Нырты, Шәмәрдән авыл җирлекләрендә, «Тургай» приютында яшәгән яшүс­мерләрнең 18 яшьләре тулу, тәр­типләре яхшыруы һәм яшәү урыннары үзгәрү сәбәпле,  аларның җәмәгать тәрбиячеләре үз вазифаларыннан азат ителде.

Фото: https://pixabay.com