Бүген FIFA Fan Fest сәхнәсендә Зәринә Вилданова чыгыш ясый

Бүген Футбол буенча дөнья чемпионатының FIFA Fan Fest сәхнәсендә Зәринә Вилданова һәм The CheekLaWeek төркеме чыгыш ясаячак, дип хәбәр итә Yammy Music лейблы.

• Зәринә Вилданова – Татарстан һәм Башкортстан тамашачысы арасында билгеле артист. Ул үзенең The CheekLaWeek төркеме белән татар халык һәм рэтро җырларын акустик форматта дөньяга таныта.

Татар альтернатив музыкасы вәкиленең чыгышы 20:00 сәгатьтә башлана.

• FIFA Fan Fest сәхнәсендә яңа буын татар җырчылары Оскар Юнысов, Азат Гыйльметдинов һәм башкалар чыгыш ясадылар.

Фото: архив/Александр Эшкинин

https://tatar-inform.tatar