Бүген Казан үзәгеннән Кыш бабайлар парады узачак

Бүген, 27 декабрьдә, Бауман урамы буйлап Кыш бабайлар һәм Санта Клауслар парады узачак. Бу турыда Казанның Пакрлар һәм скверлар дирекциясе матбугат хезмәте хәбәр итә.

Яңа ел могҗизачылары йөреш башланырга ярты сәгать кала, 15.00 сәгатьтә «Родина» сәүдә үзәге янында җыела башлаячак. Кыш бабайларга һәр теләге булган кеше кушыла ала: алар өчен махсус яңа ел башлыклары әзерләнгән.

Яңа ел могҗизачылары аркалар аша Тукай мәйданындагы сәгать янына кадәр барачак.

Фото: https://pixabay.com | Alexas_Fotos

https://tatar-inform.tatar