Бик йомшак камыр рецепты

1 ст кефир, 0,5 ст көнбагыш мае, 11 г коры чүпрә, 1 чәй кашыгы тоз, 1 аш кашыгы шикәр комы, 3 ст он.

Әзерләү тәртибе:

Кефир белән майны кушарга һәм бераз утта җылытып алырга, тоз белән шикәр комы салырга.

Он белән чүпрәне бутарга.

Он өстенә кефирлы массаны бушатырга һәм йомшак камыр басарга.

Камырны каплап, 30 минутка җылы урында калдырырга.

Әлеге камырдан төрле ризык әзерләп була. Әмма шуны истә тотыгыз, камыр ризыкларын пичкә куйганчы, 10 минут бүлмә температурасында тотып торыгыз.




Фото: orrange.ru

http://tatar-today.ru