Әбрар Кәримуллин исемендәге IV республикакүләм фәнни–гамәли конференция

24 нче март көнне Саба гимназиясе базасында сәләтле балаларны ачыклау hәм аларның үсеше өчен шартлар тудыру, фәнни эзләнүләрдә иҗадилыкка омтылыш тәрбияләү максатыннан Әбрар Кәримуллин исемендәге IV республикакүләм фәнни-гамәли конференция үтте. Быел беренче тапкыр буларак, конференция кысаларында, укытучылар өчен дә чыгыш ясау мөмкинлеге тудырылган иде. Конференциядә 29 укытучы һәм республика мәгариф учреждениеләренең 8-11 сыйныфларында белем алучы 82укучы катнашты. Чарада катнашучылар "Татар филологиясе", "Рус филологиясе", "Инглиз теле", "Тарих" һәм "Педагогик эзләнү" секцияләрендә чыгыш ясады. Эзләнү эшләрен Казан (Идел буе) федераль университеты галимнәре рәислегендәге жюри бәяләде.