Быел Питрау батыры булып көрәшче Раил Нургалиев танылды

Мамадыш районының Җөри авылында 19нчы тапкыр керәшен мәдәнияте республика фестивале үтте. 2018 елгы Питрауның төп батыры булып Раил Нургалиев калды.

Төп приз - автомобиль алу өчен акчалата сертификат. Быел оештыручылар автомобильнең үзен түгел, ә сертификатлар куйган.

Киеренке көрәш иртәнге өчкә кадәр барды. Көрәшчеләр алты үлчәү авырлыгында узды: 65, 75, 85, 100, 120 килограммга кадәр һәм авыр үлчәү. Үз авырлыкларында җиңү яулаган көрәшчеләр мәйданда акчалата бүләкләр һәм абсолют батыр исеме өчен көрәште.

Питрау бәйрәме 5 минутка сузылган салют белән тәмамланды.

Фото: Солтан Исхаков

https://tatar-inform.tatar