Депутатлыктан китәсең килмәсә керемнәрең турында белешмә тапшыр

Коррупция күренешләрен кисәтү максатында "Россия Федерациясендә җирле үзидарәне оештыруның гомуми принциплары турында"гы Законга үзгәрешләр кертелде. Әлеге закон нигезендә хәзер муниципаль берәмлекләр депутатларына да үзләренең һәм хатынының (иренең), балигъ булмаган баласының кереме, милке турында билгеләнгән тәртип буенча белешмә тапшырырга кирәк. Белешмәне тутырганда консультация кирәк булса, авыл җирлекләре депутатлары район хакимияте бинасындагы 123нче кабинетка мөрәҗәгать итә алалар. Депутатлар белешмәләрне 31 мартка кадәр тапшырырга тиеш. Керем турындагы белешмә тапшырмаучыларның вәкаләтләре вакытыннан алда туктатылачак.