Дөньяда 1 миллиардтан артык кеше Whatsapp хезмәтеннән файдалана

Кәрәзле телефоннар өчен булдырылган WhatsApp мессенджерыннан файдаланучыларның саны 1 миллиардтан артып киткән. Бу хакта Facebook компаниясенә нигез салучы Марк Цукерберг җиткергән.

- Хәзерге вакытта миллиард кеше "Whatsapp"ны куллана, - дигән ул. - Дөньяда миллиардтан артык кулланучысы булган берничә сервис кына бар. Әлеге чик - бөтен дөнья белән элемтә урнаштыруга таба мөһим адым.

Сүз уңаеннан, быелның гыйнварында WhatsApp мессенджерының түләүсез булуы хакында хәбәр ителде. Элек кайбер кулланучылардан әлеге хезмәт өчен елына 99 цент акча алына иде.

Интертат.ру