Евгений Плющенко операция кичергән [+фото]

Фигуралы шууда ике тапкыр Олимпия чемпионы булып танылган Евгений Плющенко катлаулы операция кичергән.

Умырткалыгының муен өлешенә, умыртка сөягендәге бүсерне алдыру өчен спортчыга операция өстәленә ятарга туры килгән. Хәзер Евгений Плющенконың хәле яхшыра бара икән. Бу хакта ул Instagram социаль челтәре аша да уртаклашкан.

- Дусларыма һәм хөрмәтләүчеләремә ярдәм итүләре, чәчәкләре өчен рәхмәт! Сихәтләнеп киләм! - дип язган спортчы.

Сүз уңаеннан: Евгений Плющенко күнегүләрен ярты елсыз да башлый алмас, дип әйтелә.

Әлмәт таңнары