Эзмә мәктәбе укучысы Мифтахова Азалия туган тел буенча республика олимпиадасында җиңүче булды

29-31 гыйнвар көннәрендә Татарстан гомуми белем бирү оешмаларының 4-11 сыйныф укучылары өчен туган тел (татар теле) буенча республика олимпиадасының йомгаклау этабы узды. Ул Республика олимпиада үзәгенең «Дуслык» ООК базасында үтте.

Олимпиадада республиканың 37 районыннан, шулай ук Казаннан, Яр Чаллыдан 232 укучы катнашты.Татарстанның 25 муниципаль берәмлегеннән, шулай ук Казаннан, Яр Чаллыдан килгән укучылар призерлар булды, дип хәбәр итә Татарстан Республикасы Мәгариф һәм фән министрлыгы.

Җиңүчеләр:

- Азалия Мифтахова, Саба районы Эзмә урта гомуми белем мәктәбенең 8 сыйныф укучысы;

- Сөмбел Бикчәнтәева, Түбән Кама районы М. Җәлил исемендәге 1 нче гимназиянең 4 сыйныф укучысы;

- Камилә Йосыпова, Казан шәһәре Мәскәү районы КФУ каршындагы Ш. Мәрҗани исемендәге 2 нче татар гимназиясенең 5 сыйныф укучысы;

- Чулпан Ганиева, Мамадыш районы Олыяз лицееның 6 сыйныф укучысы;

- Рифат Ильясов, Түбән Кама районы Каенлы урта гомуми белем бирү мәктәбенең 7 сыйныф укучысы;

- Айсылу Ишалина, Яр Чаллы шәһәренең М. Вахитов исемендәге 2 нче гимназиясенең 9 сыйныф укучысы;

- Зилә Юнысова, Балтач районы Куныр урта гомуми белем бирү мәктәбенең 10 сыйныф укучысы;

- Рамилә Һадиева, Арча районы Шушмабаш урта гомуми белем бирү мәктәбенең 11 сыйныф укучысы. 

Чыганак: Татарстан Республикасы Мәгариф һәм фән министрлыгы