Фирдүс Тямаев тормыш иптәше урынына җырчы кыз эзли!

- Велосипед алырга теләгән идек, әмма Резеда белән алмый торырга сөйләштек. Белгән кебек, якын дусларыбыз туган көненә велосипед алып килде! Раянның уенчыклары бик күп, тамашачылар да еш бүләк итә. Бөтен әйбере бар. Үзем дә балалар кибетенә керсәм, буш кул белән чыкмыйм. Тик нигәдер аңа ул уенчыклар кызык түгел, улым йә минем эш кораллары белән уйный, йә аш бүлмәсендә әнисенә "булыша".

- Алла теләсә, көзгә балалар бакчасына бирергә исәп бар. Билгеле инде Резеда минем белән гастрольләрдә йөри алмаячак, улыбыз белән булачак. Няняга калдырырга теләмибез, бала әнисе белән булырга тиеш дип саныйм. Шул сәбәпле Резеда урынына җырчы кыз эзлибез.

- Ун клип төшерергә дип үземә максат куйдым, бәлки азрак та булыр. Алар арасында "Язмыш төеннәре", "Дуслар була санаулы гына" һәм башка җырлар бар. Клипта төшәргә теләүчеләр рәсми төркемемә фотоларын җибәрергә тиеш. Бүгенге көндә 250дән артык фото килде. Алар белән күрешеп, аралашып, осталыкларын күреп, клип геройларын сайларбыз дип уйлыйм.

- Минем репертуардагы җырны башкарып, Инстаграмга яки Вконтакте челтәренә юлларга кирәк. Иң яхшы башкаручы концертымда чыгыш ясаячак. Яшь буенча аерым шартлар юк, һәр теләгән кеше катнаша ала. Барлык катнашучыларга бүләкләр тапшырылачак.

- Киләсе сезон - юбилей елы, Казан сәхнәсенә чыгуыма 5 ел тула. Дөрестән дә, сәхнәдә ничә ел җырлавыма бер гарантия дә юк, мин моны һәрвакыт әйтеп киләм. Аллаһы Тәгалә ничек язса, шулай була. Ләкин, минемчә, 5 ел сәхнәдә булу - зур бәхет, туган ягым Нурлат өчен дә горурлык бу. Шушы вакыт эчендә бик күп җырлар иҗат ителде. Бу көннәрдә генә Марат Мухин белән туганнарга һәм әтиемә багышланган ике яңа җыр яздырдык. Әтием турындагы җыр аеруча эчтәлекле булды. Җырның өзеген социаль челтәргә урнаштырдым, бик күп фикерләр килде. Юбилей елын матур итеп үткәрәсем килә. Яңа программада репертуарымдагы иң популяр хитлар һәм яңа җырлар яңгыраячак.