Футбол буенча Россия кубогы финалчылары билгеле

Футбол буенча Россия кубогының финалында Санкт-Петербургның "Зенит" һәм Мәскәүнең ЦСКА командалары очраша. Мәскәү клубы ярымфиналда ышанычлы рәвештә "Краснодар"ны отса (3:1), "Зенит"ка финалга чыгу өчен Пермьнең "Амкар" командасына каршы төгәл 2 сәгать уйнарга (1:1) һәм азактан пенальти сериясе уздырырга туры килде. Бәхет "Зенит"ка елмайды - 4:3.

Шулай итеп Казанда чемпионатның иң көчле һәм "йолдызлы" командалары очрашуын күрәчәкбез.

http://intertat.ru