ГЫЙНВАРГА БАКЧА ЭШЛӘРЕ

Әмма бу беренче карашка гына. 
Гыйнварга бакчада җитәрлек кар тупланып өлгерә. Җылытылмый торган теплица эченә кар ташлагыз. Моны кар яуган саен эшләргә кирәк. Март башында кояш карый башлагач, кар акрынлап эриячәк һәм туфракны дымга баетачак. Исегездә тотыгыз: үсемлекләр өчен кар һәм яңгыр суы краннан агучы судан күпкә файдалырак. Кар тоту эшен дәвам итәргә кирәк. 
Орлыкларны үзегез әзерләгән булсагыз, аларның тишелешен тикшерә башлагыз (бу хакта алдагы санда тәфсилләп язарбыз — ред.). Ай азагына таба үзегезне кызыксындырган орлыкларны эзләү эшенә керешергә була. Бу вакытка, гадәттә, сатучылар узган елдан артып калган орлыкларны сатып бетерә. Орлыкларны сыналган, ышанычлы фирмаларныкын гына алырга тырышыгыз. Шәхси сатучылардан алсагыз, аларның да сыналганнарын сайлагыз. 
Франс ХӘЛИЛОВ, танылган бакчачы.

https://vk.com/irekmaydan