Кабат Криштиану Роналдуны күрү бәхетенә ирешәбез икән

"Казан-Арена"да узачак ярымфинал очрашуында Португалия белән Чили очраша

Әлеге уен 28 июнь көнне узачак. 29 июнь көнне Сочида буласы икенче ярымфиналда исә Алмания һәм Мексика командалары уйный.

Кичә кич Конфедерацияләр Кубогының "В" төркемендә уеннар тәмамланды. Беренче урынны - Алмания алды, Чили исә икенче булды. Шулай итеп, Көньяк Америка футболчылары янә Казанга килә һәм 28 июнь көнне ярымфиналда Португалия футболчыларына каршы уйный. Әлеге матчта Конфедерацияләр Кубогының төп "йолдыз"лары туп тибәчәк. Икенче ярымфиналда исә Германия белән Мексика очраша. Ул уен 29 июньдә Сочида уза. Финал 2 августта булачак.