Казан аквапаркында туган малай үзен яхшы хис итә

Казан аквапаркында туган малай үзен яхшы хис итә. Бу хакта «Татар-информ» агентлыгына сабыйның әтисе Рамил Әхмәдиев хәбәр итте.

«Улыбызга Азамат дип исем куштык. Авырлыгы – 2850 грамм, буе – 50 сантиметр. Ул хастаханәдә дөньяга килмәсә дә, бу балада һәм хатынымда тискәре чагылыш тапмады. Хәзер алар үзләрен яхшы хис итә һәм шушы көннәрдә өйгә кайтырга җыеналар», - диде бәхетле әти.

Сабый аквапаркның чишенү бүлмәсендә туган. Аквапаркка килүчеләр малайның дөньяга аваз салу хәбәрен алкышлап каршы алган.

Моңа кадәр «Татар-информ» агентлыгы 11 августта «Барионикс» аквапаркында бер хатынның бала табуы хакында хәбәр иткән иде. Аквапарк җитәкчелеге гаиләгә гомерлек сертификат тапшырган. 

Фото: архива/Рамиль Ахмадиева

http://tat.tatar-inform.ru