Казан полициясе юл-транспорт һәлакәте урыныннан качкан машина йөртүчеләрне эзли

Казан полициясе юл-транспорт һәлакәте урыныннан качкан машина йөртүчеләрне эзли. Бу хакта Казан дәүләт автоинспекциясе матбугат хезмәте хәбәр итә.

9 декабрьдә көндез “Кол Гали” тукталышы каршында автобуста өлкән яшьтәге пассажир әби егылган. Машина йөртүче урыннан китеп барган, кабыргалары сынган әбине хастаханәгә озатканнар.

12 декабрьдә Зайцев урамындагы 14 нче йорт ишегалдында автомобиль 30 яшьлек хатын-кызны бәрдергән. Аның кул чуклары җәрәхәтләнгән. Машина йөртүче һәлакәт урыныннан китеп барган.

Казан дәүләт автоинспекциясе әлеге һәлакәтләрне күрүчеләр булган очракта, (843) 5-333-819, 5-333-848 телефонары белән мөрәҗәгать итүләре сорала.

http://tatar-inform.tatar