Казанда Муса Җәлил һәйкәле реконструкцияләнә башлады

Казанда 1 Май мәйданында язучы һәм Советлар Союзы Герое Муса Җәлил һәйкәле реконструкциясе һәм аның янәшәсендәге территорияне төзекләндерү эшләре башланды. Һәйкәлнең нигезе сүтелде инде.

«Татар-информ» мәгълүмат агентлыгы элек Казанның Тышкы төзекләндерү комитеты Муса Җәлилгә һәйкәлне 2,3 млн сумга төзекләндерәчәген хәбәр иткән иде.

«Һәйкәлне ремонтлауның төп максаты - мәдәни мирас объектын тиешенчә саклау һәм тиешле тәртиптә тоту», - диелә Дәүләт сатып алулары порталындагы документларда.

Реставрация вакытында җәяүлеләр һәм автотранспорт хәрәкәте күчереләчәк.

Фото: архив

tatar-inform.tatar