Казанда суд «Ак Барс»ның элеккеге хоккейчысы Дмитрий Обуховны штрафка тарткан

Казанның Вахитов районы җәмәгать судьясы «Ак Барс»ның элеккеге хоккейчысы Дмитрий Обуховны машина йөртүче хатын-кызны кыйнаган өчен штрафка тарткан.

«Ак Барс»ның элеккеге уенчысы машина йөртүче хатын-кызны кыйнауда гаепләнә. Әлеге мизгел үзе видеокамера язмасына эләккән.

Узган утырышта зыян күргән Снежанна Долгих судка үз автомобилендә аның юлында туры килгән өчен Обухов аның башына сукканын һәм телефонын ватканын сөйләгән. Шуннан соң хатын полициягә гариза белән мөрәҗәгать итә. «Кыйнау» маддәсе буенча административ эш кузгатыла. Сүз уңаеннан, бүген Снежанна судка килмәгән.

Моңа кадәр спортчы, сәбәпләрен аңлатмыйча, суд утырышларына ике тапкыр килмәгән иде. Шуңа күрә суд Обуховны мәҗбүри китерү турында карар кабул иткән, ләкин бүген ул үзе судка килгән.

Обухов судка гаебен танымавын хәбәр итте.

«Татар-информ» элек Интернетка Дмитрий Обуховка охшаган ир-атның чит ил машинасын йөртүче хатын-кызга суккан видеосы эләгүе хакында хәбәр иткән иде.
 

Фото: https://tatar-inform.tatar

https://tatar-inform.tatar