Казанның «Замбези елгасы» зоопаркына ике ак арыслан китерделәр

Казанның «Замбези елгасы» зоопаркына ике ак арыслан китерделәр. Бу хакта зооботаника бакчасының Instagram социаль челтәрендәге сәхифәсендә хәбәр ителә.

«Крикс һәм Каспер кушаматлы арысланнар 2014 елда Кырым Республикасының „Тайган“ паркында дөньяга килгән. Зоопарк аларны цирктан сатып алды, җәнлекләр аренада чыгыш ясаган», — диелә хәбәрдә.

Зоопарк хезмәткәрләре билгеләп үткәнчә, арысланнар вольерда бер-берсе белән дус-тату яши.

Моңа кадәр зооботаника бакчасының коллекциясе Швейцариядән китерелгән алты шимпанзе белән тулыланган иде. Якын көннәрдә зоопаркка 30га якын алсу фламинго һәм сигез личи антилопасы алып кайтачаклар. 

Фото: скриншот инстаграм

Чыганак: tatar-inform.tatar