Халык артисты Леонид Куравлев авыр хәлдә хастаханәдә ята

«Иван Васильевич меняет профессию» һәм «Афоня» фильмнарының герое, РСФСРның халык артисты Леонид Куравлев хастаханәдә авыр хәлдә ята. Аны 5 гыйнварда «Идиллия» шифаханәсеннән югары температура белән алып киткәннәр. Бу турыда РЕН ТВ хәбәр итте.

Табиблар 85 яшьлек актерга пневмония диагнозы куйган. Аны Коммунаркадагы хастаханәгә илткәннәр, артистта коронавирус булуы ачыкланган.

РЕН ТВ белешмәсе буенча, 9 гыйнвардагы тест ковидка тискәре нәтиҗә күрсәткән.

Хәзерге вакытта Куравлев авыр хәлдә ята, диелә.

Чыганак:intertat.tatar