Коточкыч хәл! Татарстанда зур янгын пенсионерларны йорт-җирсез калдырган [+фото]

Әле ярый халык казага каршы дәррәү купкан, янгын сүндерүчеләр дә вакытында килеп җиткән. Югыйсә, җилле коры көнне ут тагын да ныграк зыян салган булыр иде. Утны сүндерергә Чирмешәннән - ике, Лашманнан һәм Бәркәтәдән берәр янгын сүндерү машинасы барган.
-Без килгәндә торак йорт, каралты-кура яна, ут күршеләрнең баз өстенә күчеп өлгергән иде. Җилле коры көн, йортлар да бер-берсенә якын тора. - ди Чирмешәндәге 135 нче янгын часте начальнигы Фәрит Яруллин. - Халык утны тыеп торган. Авыл җирлеге җитәкчелегенең дә оперативлыгы мактауга лаек. Алар су китерүне оештырганнар, мотопомпаны кабызганнар. Халык арасында үз тракторлары белән дә су ташып торучылар бар иде, рәхмәт. Янгын урыныннан гидрантның 150 метрда гына булуы файдага иде.

Йортсыз калган хуҗа - Әлмәттә дә яшәүче пенсионер. Алар өйләреннән бер нәрсәләрен ала алмаганнар. Барысы да көлгә әйләнгән. Дөрес, бәлага таручыларның яңа төзегән мунчалары калган. Ә ут абзардан чыккан дип фаразлана. Көчле ут алар күршесендәге өйнең тәрәзәләрен шартлаткан, әмма аңа иркенәергә ирек бирмәгәннәр, дип яза nashcheremshan.ru.

matbugat.ru