Лилия Сәлахетдинова кияүгә чыга
Бүген 21 октябрь көнне күп социаль проектлар авторы, танылган шагыйрә Лилия Сәлахетлинованың никахы. Сөйгән яры Ришат белән ул эш урынында "Ярдәм" фондында танышкан. Ришат - Казан егете.
"Матбугат.ру" Лилиягә шалтыратып, аның хәлләрен белеште. Кәләш бик шат, күңелләре күтәренке.
Никахны бүген 21 октябрь көнне "Ярдәм" мәчетендә әлеге мәчетнең имам-хатыйбы Илдар хәзрәт Баязитов укыячак. Аннары бәйрәм мәҗлесе булачак.
"Бәхет - ул ике йөрәкнең бер мизгелдә тибеше", - ди Лилия Сәлахетдинова. Һәм шушы шигъри юлларны яза:
Кышын да катмый чишмәләр,
Сөю дә чишмә кебек!
Йомшак назлы сүз әйтүгә,
Күңелләр китә эреп.
"Матбугат.ру" Ришат һәм Лилияне чын күңелдән котлый. Бәхетле булыгыз! Бер-берегезне саклагыз!
Фото: http://matbugat.ru
Следите за самым важным и интересным в Telegram-каналеТатмедиа
Нет комментариев