Әлмәттә Тукай һәйкәленең бер өлешен урлаганнар

Әлмәт шәһәренең Ленин урамында Габдулла Тукайга куелган һәйкәленең бер өлешен урлаганнар. Бу турыда социаль челтәрләрдә хәбәр итәләр.

"Тукай һәйкәленең бер өлеше - Шүрәле скульптурасын урлаган кешеләрне күрүчеләрне эзлибез", диелә бу хәбәрдә.

Скульптура "Бу кап-кара урманда…" дип атала. Аны былтыр ясаганнар. Габдулла Тукай бара торган велосипедның алгы тәгәрмәчендә Шүрәле утыра торган булган.

"Бу турыда белгән, күреп торган кешеләрне элемтәгә чыгуларын сорыйбыз. Сезнең ярдәмгә өметләнәбез. Бу скульптура безнең шәһәр өчен зур әһәмияткә ия ", дип мөрәҗәгать итәләр Әлмәт паблигында.
⠀
Фотода скульптура бүген иртән, Шүрәле урланганнан соң сурәтләнгән.  

Инстаграм кулланучылар бу хәлгә бик гаҗәпләнә. Фотога төшкәндә сындырган булулары ихтимал, диләр. Кайберәүләр скульптура ватык булуын инде кичә үк күргән булган.

Фото: соцсети

tatar-inform.tatar