“Мега” сәүдә үзәгендә бишенче тапкыр күкрәк бизе яман шеш авыруына каршы акция узды

Кичә Казанның “Мега сәүдә үзәгендә 600гә якын хатын-кыз бушлай маммолог консультациясе алды.

“Казан күкрәк рагына каршы” акциясен Республика клиник онкология диспансеры, шәһәрнең 7нче клиник хастаханәсе, Womаn To Womаn фонды һәм төрле шәхси клиника табиблары үткәрде.

Табиблар әйтүенчә, сөт бизендәге яман шеш хатын-кызларда онкология авырулары арасында беренче урында тора. Казанда 4 ел акция үткәрү нәтиҗәсендә 3 мең 200дән артык хатын-кыз бушлай тикшеренгән. Табиблар шундый тикшерүләр вакытында сөт бизе рагының 30га якын очрагын ачыклаган.

Фото: Александр Эшкинин

https://tatar-inform.tatar