Мөфти: Россия Диния нәзарәте карары республикада үзара мөнәсәбәткә йогынты ясамый

Россия мөселманнарының Диния нәзарәте кичә мөселманнарның башка дин вәкилләре белән никахларын тыю турында нәтиҗә чыгарды. Татарстан мөфтие Камил хәзрәт Сәмигуллин бу мәсьәләдә ТР Диния нәзарәтенең позициясен аңлатты.

Республика мөфтиенең тыюга реакциясе турында сөйләвен «Инстаграм»да бер кулланучы сорады.

«Бу гасырлар дәвамында милләтара һәм конфессияара тынычлык булган республикадагы мөнәсәбәтләргә йогынты ясамыймы?» - диелә комментарийда.

«Безнең РФ Диния нәзарәтенә мөнәсәбәтебез юк. Шуңа күрә аларның нәтиҗәләре Татарстан Республикасындагы мөнәсәбәтләргә берничек тә йогынты ясамый», - дип белдерде Камил хәзрәт Сәмигуллин.  

Чыганак: tatar-inform.tatar