Бу атнада өлешчә мобилизация кысаларында хәрби хезмәткә чакырылган татарстанлылар махсус операция зонасыннан кыска вакытлы ялга кайта башлады. Район башлыкларына мөрәҗәгать итәм: хәрбиләрне лаеклы рәвештә каршы алыгыз, аларны яшәү урынына илтеп куюны оештырыгыз, медицина, социаль һ.б. мәсьәләләр буенча һәрьяклап ярдәм күрсәтегез. Һәм, әлбәттә, аларны җәмәгать чараларында катнашуга җәлеп итегез», - диде республика җитәкчесе ТР Хөкүмәте йортында узган шимбә киңәшмәсендә.

Ул билгеләп үткәнчә, ихтыяҗ булган очракта хәрбиләрнең якыннарына туганы кайткан вакытта ял алуда ярдәм итәргә, ә балалар өчен дистанцион белем бирүне оештырырга кирәк.

«Мобилизацияләнүчеләрнең якын туганнарына ял алуда ярдәм күрсәтү бик тә мөһим. Тиешле мөрәҗәгатьләр килү белән балаларга читтән торып уку мөмкинлеген булдырырга кирәк. Без хәрбиләргә гаиләләре белән бергә булсыннар, көч тупласыннар һәм хәрби хезмәткә әйләнеп кайтсыннар өчен барлык шартларны да тудырырга тиеш», - диде Рөстәм Миңнеханов.

Искәртеп узабыз, Россия Президенты Владимир Путин Федераль Җыенга юлламасында махсус хәрби операциядә катнашучыларга ял бирергә кушты. Ул билгеләп үткәнчә, хәрбиләр ярты елга бер тапкыр кимендә 14 көн (моңа юлга киткән вакыт керми) ял итәргә тиеш.

Бу хакта тулырак: https://tatar-inform.tatar/news/minnexanov-raion-baslyklaryna-yal-algan-mobilizaciyalanucelarne-laekly-karsylarga-kusty-5868464