Мөслимдә “Бердәм Россия”нең депутатлар берләшмәләре республика координация советының гомуми җыелышы булды

Без даими рәвештә Координация советы утырышлары кысаларында төрле районнарга чыгабыз. Нәкъ менә Мөслим районында, башкарма хакимият һәм депутатлар корпусы территорияләрне төзекләндерү, район халкы өчен уңайлы мохит булдыру мәсьәләләре белән актив һәм нәтиҗәле шөгыльләнә, - дип билгеләп үтте республика координация советы рәисе, Татарстан Дәүләт Советында «Бердәм Россия» фракциясе җитәкчесе Юрий Камалтынов.

«Мин район үзәгенең ничек яхшырганлыгын, балкуын күрдем. Биредә яхшы  хәлдәге  күп иҗтимагый киңлекләр барлыкка килгән.  Мөслим халкы район башлыгы һәм депутатлар корпусы башкарган эшләрне бәяли дип ышанам».

Район инфраструктурасы үсешен республикада илкүләм проектларны гамәлгә ашыруны контрольдә тоту буенча эшче төркем җитәкчесе Татьяна Ларионова да билгеләп үтте. Милли проектлар кысаларында Мөслим районында алты объект төзелә, шул исәптән гериатрия кабинеты  булган хастаханә дә.

«Барысы да кешеләр турында кайгырту белән эшләнә. Мондый шартларда яшәве рәхәт. Бу район җитәкчелегенең барлык ресурсларны да халык файдасына берләштерә белү  сәләте турында сөйли. Районда Президент программаларының мөмкинлекләре бик оста кулланыла. Алар Татарстанда 40 һәм алар барысы да монда урын тапкан», - дип билгеләп үтте Ларионова.

Эш сәфәре  «Бердәм Россия» Бөтенроссия сәяси партиясенең Татарстан Республикасында депутатлар берләшмәләренең республика координацион советының гомуми җыелышы белән тәмамланды.

Координация советы-даими эшләүче коллегиаль киңәшү органы. Аның төп бурычлары-депутат берләшмәләре эшчәнлеген координацияләү, дәүләт хакимияте органнары карарларын эшләүдә актив катнашу, партия эшенә тәкъдимнәр кертү һәм партия эшенә мониторинг ясау.