Әнисе ясаган уколдан 6 яшьлек бала үлгән

Ул балага укол кадый торган антибиотик язып киткән. Баланың әнисе даруханәдән аны алып кайткан да балага үзе укол ясаган. Малайның тыны кысыла башлаган. Әнисе, әбисе һәм бабасы ашыгыч ярдәм чакыртканнар. Алар килгәндә малай исән булган әле. Әмма аны алып кала алмаганнар. Балада анафилактик шок - даруга көчле аллергия реакциясе булган.

Тикшерүчеләр әйтүенә караганда, балага элек тә мондый уколны кадаганнары булган. Әмма ул вакытта аллергия булмаган. Хәзер тикшерү бара. Бу хәл Курскида булган. Хәзер әни кешегә уколны өйдә ясаган өчен дә җавап тотарга туры киләчәк.

Бу хәлдән алдарак шул ук шәһәрдә яшь хатын дару аркасында анафилактик шок кичерүдән үлгән булган.

http://www.almet-rt.ru