Җомга вәгазе. Намаз, Коръән укыганда һәм дога кылганда, ни өчен күзләребездән яшьләр чыкмый? (видео)

Аллаһы Тәгалә бәхетебезне дин эчендә урнаштырды. Ягъни Ислам дине - ул яшәү рәвеше. Бу дөньяга килгәннән алып ахирәткә күчкәнчегә кадәр безгә ничек бу дөньяда яшәргә кирәклеген Аллаһы Тәгалә сөекле Пәйгамбәребез (с.г.в.) аркылы күрсәткән.

Тагын бер мәсьәлә бар - ул булса йөрәкләребезнең каткан булуы. Икенчесе - күз яшьләребезнең кибүе. Өченчесе - кылган гыйбадәтләребездән ләззәт алмавыбыз.

Бер галимнән: "Әй остаз! Әй галимебез! Намаз, Коръән укыганда һәм дога кылганда, ни өчен күзләребездән яшьләр чыкмый?" - дип сораганнар Галим аларга: "Сезнең йөрәкләрегез таш кебек каткан. Чөнки сез күп гөнаһ кыласыз. Үлемне искә төшермисез. Ни өчен үлемне искә төшермисез? Чөнки сез дөньяны яратасыз. Ә дөньяны ярату бөтен начарлыкның анасы булып тора", - дип җавап кайтарган.

Бер тапкыр Мөхәммәд (с.г.в.) мәчеткә керә һәм кешеләрнең көлүләрен күрә. Шунда Пәйгамбәребез, ачуланып: "Әгәр сез үлемне искә төшерсәгез, мин белгәнне белсәгез, сез алай ук көлешмәгән булыр идегез. Чөнки һәркөнне кабер үзе хакында белгертә", - дип әйткән.

Вәгазьнең дәвамын видеоны карап белә аласыз. Вәгазьне "Ярдәм" мәчете имамы Ибраһим хәзрәт Шаһимәрдәнов сөйли.

http://tatar-islam.com