Росстат Бөтенроссия халык санын алуны 2021 елга күчерергә тәкъдим итте

Росстат коронавирус Covid-19 пандемиясе аркасында Бөтенроссия халык санын алуны 2021 елга күчерергә тәкъдим итте. Бу хакта ТАСС ведомствоның матбугат хезмәтенә сылтама белән хәбәр итә.

Чараны күчерү халык санын алу сыйфатына һәм нәтиҗәләренә йогынты ясамаячак, дип билгеләп үтелә.

Инфраструктураны һәм мәгълүматларны җыю һәм эшкәртү җиһазларын әзерләүне пандемия шартларында алып бару яхшы карар түгел, диләр ведомствода. Авыру таралу Россиядә генә түгел, АКШ, Кыргызстан һәм Бразилиядә дә үзгәрешләр кертте.

Бөтенроссия халык санын алуны үткәрүнең яңа срокларын РФ Хөкүмәте билгеләячәк. Элегрәк ул 2020 елның 1-31 октябрендә узар дип ниятләнгән иде.

Фото: архив/Владимир Васильев

Чыганак: tatar-inform.tatar