Рөстәм Миңнеханов командасы Россия инвестиция форумындагы хоккей гала-матчында җиңү яулады

Россия Хөкүмәте җыелмасы – Татарстан Президенты Рөстәм Миңнеханов җитәкчелегендәге «Феникс» командасы Россия инвестиция форумында катнашучылар арасындагы хоккей гала-матчында 7:4 исәбенә отты. Бу хакта ТР Президентының матбугат хезмәте хәбәр итә.

Форумда катнашкан эшкуарлар җыелмасы - «РИФ» командасы «Феникс»ның көндәше булды. Матчны «Русконгресс» фонды ярдәмендә оештырдылар.

Рөстәм Миңнеханов җитәкчелегендәге командада РФ транспорт министры Евгений Дитрих, РФ Ерак Көнчыгышны үстерү министры Александр Козлов, РФ цифрлы үсеш, элемтә һәм гаммәви коммуникацияләр министры урынбасары Алексей Соколов һ.б. бар иде. Бозда командалар 20 минутлы өч период үткәрде.

Матчта «Феникс» командасының беренче бишлеге аеруча нәтиҗәле чыгыш ясаган. 

Фото: tatarstan.ru

https://tatar-inform.tatar