Рус мәктәбендә укучы балалар “Туган тел”не беләме?

Әлеге чара балаларның белемен арттыру, укуга һәм тормышка кызыксыну уяту өчен кирәк. Чөнки мәктәп ул – бер яктан караганда балаларга белем бирү урыны булса, икенче яктан – балаларның социальләшү, дөньяны танып-белергә өйрәнү урыны. Мондый чаралар балаларның инициативасын арттыра. Ник дигәндә, алар үзләренең нәрсәгә дә булса тәэсир итә алуларын белсәләр, яхшы укый, бик теләп, актив рәвештә төрле проектларда, чараларда катнаша башлыйлар. Үзләренең креатив идеялары белән уртаклашырга курыкмыйлар, – дип сөйләде 179 нчы мәктәпнең директоры Эльвира Наумова.
Бүген дә “Татарстан – мөмкинлекләр территориясе”ндә катнашучы балалар бик актив булдылар, сорауларга үзенчәлекле, креатив җаваплар таптылар. Мәсәлән, “Туган тел” шигыренең беренче өлешен укып, дәвам итегез дигән биремгә җырлап җавап бирүчеләр дә булды.

Әлеге чара Республика күләмендә эшләп килүче “Кадрлар резервы” (Кадровый резерв) дип аталган проект кысаларында үтте. Ул балаларда туган якка карата мәхәббәт, патриотик хисләр уяту, гражданлык үзаңын тәрбияләү максаты белән уздырылды. Әлеге проект Татарстан яшәүче 16 яшьтән 30 яшькә кадәр булган актив яшь кешеләр өчен оештырыла. Проектта катнашучыларга, һәм бигрәк тә проектың барлык этапларын узучыларга, Республика күләмендә практика үтү – дәүләт оешмаларында эшләп карау мөмкинлеге биреләчәк.

Проект 2009 елдан башлап Яшьләрнең иҗат академиясе, ТР фәннәр һәм мәгариф академиясе, Яшьләр һәм спорт министрлыгы ярдәмендә эшли. Проект кысаларында барлыгы 1940 кеше курслар узган. «Резервистларның» 200дән артыгы Татарстан Республикасының дәүләт һәм муниципаль хакимият органнарына эшкә чакырылды; 60тан артык проект, 2320 социаль акция, 240 интерактив-белем бирү чарасы гамәлгә ашырылды.

Әлеге чараның җитәкчесе Назлыгөл Минһаҗева үзе дә “Кадрлар резервы” проекты аша узган кеше. Хәзер Назлыгөл КФУда укый. Ул Оксфорд һәм Татарстан Республикасының Фәннәр академиясе стипендианты.
Уен-викторина Татарстанның үткәне хәзергесе һәм киләчәге турында иде. Балаларның җавапларын жюри әгъзалары бәяләп баллар куйды һәм командага бүләкләр, мактау грамоталары тапшырды.

http://idel-tat.ru