Саба районы Лесхоз авылында үтәчәк театраль сабантуйга рәхим итегез: йолдызлар белән танышу өчен менә дигән мөмкинлек!

27 июньдә Саба районы Лесхоз авылында унынчы тапкыр "Театраль сабантуй - 2017" узачак

Бәйрәмдә Татарстанның 12 дәүләт театрыннан артистлар һәм хезмәткәрләр катнашуы көтелә.

"Театраль" дип аталса да, Сабан туе программасында традицион уен-ярышлар: кашыкка йомырка кабып йөгерү, гер күтәрү, капчык киеп йөгерү, чүлмәк вату һәм, әлбәттә инде, милли көрәш. Нәкъ менә шушы ярыш төрендә батыр калучы, тәкәдән кала, кыйммәтле бүләк - автомобильгә ия була.

"Театраль Сабантуй" сәхнә яки телевизор аша гына күреп белгән яраткан артистларыгыз белән танышу, күрешеп аралашу, аларның төрле ярышларда көч сынашканын карау өчен менә дигән мөмкинлек! Сабантуй 27 июньдә сәгать 11.00дә Саба районы Лесхоз авылы Сабан туе мәйданында башлана.