Субсидияләр бирүгә эшмәкәрлек субъектларын конкурслы сайлап алу үткәрелә

Татарстан Республикасы Икътисад министрлыгы "Лизинг-Грант" программасы буенча субсидияләр бирүгә эшмәкәрлек субъектларын конкурслы сайлап алу үткәрелүе турында хәбәр итә. Конкурслы сайлап алуда катнашуга заявкаларны кабул итү 13 мартта башлана. Министрлык бинасында урнашкан эшмәкәрлекне яклау үзәге гаризаларны эш көннәрендә 9.00-16.45 сәгатьләрдә кабул итә. Адресы: Казан шәһәре, Московская урамы, 55нче йорт, 125нче кабинет. Заявкалар шулай ук эшмәкәрлекне яклау үзәге вәкиллекләрендә дә кабул ителә. Эшмәкәрләргә әлеге программаның эчтәлеген аңлату буенча район киңәшмәсе хакимият бинасының актлар залында 14 мартта 15 сәгатьтә үткәрелә. Белешмәләр өчен телефон 2-40-99.