Татарстан колонияләрендә 500дән артык пенсионер җәза срогын үтә

Бүгенге көндә Татарстан колонияләрендә 500дән артык пенсионер җәза срогын үтә, дип хәбәр итә Россия федераль җәзаларны үтәтү хезмәтенең ТР буенча идарәсе матбугат хезмәте.

Республика төзәтү учреждениеләрендә хөкемгә тартылган пенсионерлар өчен даими рәвештә консультацияләр үткәрелә.

Шуларның берсе Питрәч районының Пановка авылында урнашкан 3нче колониядә узды. Фонд вәкилләренә биш кеше сорау бирде. Нигездә, алар пенсияне арттыру, социаль пакеттан баш тарту, туендыручыны югалткан очракта пенсия билгеләү шартлары һәм тәртибе белән кызыксынды. 

Фото: архив/ Александр Эшкинин