Татарстан Республикасы буенча Роспотребнадзорда коронавируска ПЦР-тестларның төгәллеген аңлаттылар

ПЦР-тестларның яңа коронавирус инфекциясенә ялгышлыгы бик кечкенә, дөрес нәтиҗә 99,8-99,9 очракта ачыклана. Бу хакта “Татар-информ” мәгълүмат агентлыгында узган матбугат конференциясендә ТР буенча Роспотребнадзор идарәсе җитәкчесе урынбасары Любовь Авдонина сөйләде.

"Һәр тестның - ВИЧ-инфекциягә тест булсынмы ул, йөклелеккә тестмы - билгеле бер ялгышлык бар. Әмма бу ялгышлык 99,8-99,9 чикләрендә тәшкил итә, шуңа күрә һәр конкрет очракта ул ялгышлык теләсә кайсы очракта да булырга мөмкин һәм җиһазларның теләсә кайсы эшендә дә ул бар, әмма бик аз", - дип билгеләде спикер.

Любовь Авдонина ассызыклаганча, дөрес нәтиҗә анализны дөрес алмаган очракта булырга мөмкин, шулай ук материалны анализга сыйфатсыз китергәндә мөмкин.

"Ләкин бу бүгенге көндә мөмкин түгел, чөнки безнең барлык белгечләр, лаборантлар өйрәтелгән, аларның чыннан да бу эш белән шөгыльләнә алулары турында билгеле бер таныклыклары бар", - дип билгеләде җитәкче урынбасары.

Шулай ук ПЦР методы белән тест үткәрә ала торган оешмалар исемлеге бар, анда учреждениеләр тикшерүдән соң эләгә. Любовь Геннадьевна сүзләренчә, аларны җиһазларның булуына һәм эшкә сәләтлелегенә һәм персоналның әзерлегенә катгый тикшерәләр.

Барлыгы республика буенча биш шәхси лаборатория һәм 14 дәүләт учреждениесе эшли.

"Алар санитария кагыйдәләренең барлык таләпләрен үти, һәм бүген аларга эш сыйфаты буенча дәгъвалар юк, әмма безнең контроль барыбер алга таба үткәреләчәк", - дип билгеләде спикер.

Элегрәк "Татар-информ" мәгълүмат агентлыгы хәбәр иткәнчә, Татарстанда ПЦР методы белән миллионнан артык тест уздырганнар.

Фото: архив/Владимир Васильев

Чыганак: tatar-inform.ru