Татарстан укучысын рус теле буенча БДИда шпаргалка белән тотканнар

Татарстанда рус теле буенча Бердәм дәүләт имтиханында шпаргалкадан кулланырга омтылган казанлының эш нәтиҗәләрен юк итү турында карар кабул ителгән.

Искәртеп үтик: ул имтихан 30 майда уздырылды.

"Имтихан вакытында Казан мәктәбе укучысы шпаркалкадан кулланмакчы булган һәм имтиханнан чыгарылган. 31 майда Дәүләт имтихан комиссиясе утырышында Казан укучысының эш нәтиҗәләрен, яңадан тапшыру хокукы бирмичә, юк итү турында карар кабул ителде", - дип хәбәр итте ТР Мәгариф һәм фән министрлыгының матбугат хезмәте җитәкчесе Алсу Мөхәммәтова.

http://tat.tatar-inform.ru