Татарстанда 1 июльдән бюджет хезмәткәрләренең эш хаклары арта
Татарстанда 2024 елның 1 июленнән «Бюджет өлкәсендә эшләүченең хезмәтенә түләү буенча бердәм тариф челтәре»нә кермәгән бюджет тармагы хезмәткәрләренең айлык вазифаи окладлары арта. ТР Премьер-министры Алексей Песошин шул хактагы карарны имзалады.
Әйтик, аерым бюджет оешмасының структур бүлекчәсе җитәкчесе секретареның оклады 1,05 тапкыр – 13 323 сумга кадәр күтәрелә. Бу сумма җитәкчеләр, белгечләр һәм шундый оешмаларның башка хезмәткәрләренең айлык окладларын исәпләү өчен кулланыла. Чагыштыру өчен, 2023 елның 1 гыйнварыннан ул 12 688 сумга тигез иде.
Моннан тыш, мондый оешмаларда эшләүчеләрнең хезмәт хаклары күләме дә үзгәрә – вазифаи окладның 15 проценты урынына ул 1 июльдән 37 процентка кадәр күтәрелә.
«Әлеге карар 2024 елның 1 июленнән үз көченә керәчәк», - диелә документта.
Тулырак: https://tatar-inform.tatar/news/tatarstanda-1-iyuldan-byudzet-xezmatkarlarenen-es-xaklary-arta-5887012
Следите за самым важным и интересным в Telegram-каналеТатмедиа
Нет комментариев