Татарстанда автомобильләрне эвакуацияләгән өчен тарифлар октябрьдә арта

автор, 25 сентябрь 2018 - 11:57

1002

Транспорт чарасын эвакуацияләгән өчен автомобиль хуҗалары 2 мең 934 сум түләячәк, бу элеккеге бәяләрдән чама белән 344 сумга артык.

Татарстанда автомобильләрне эвакуацияләгән өчен тарифлар октябрьдә арта

атарстанда октябрь аеннан автомобильләрне эвакуацияләгән өчен тарифлар күтәрелә. Транспорт чарасын эвакуацияләгән өчен автомобиль хуҗалары 2 мең 934 сум түләячәк, бу элеккеге бәяләрдән 344 сумга диярлек артыграк. ТР Тарифлар буенча Дәүләт комитетының шул хактагы карары республика хокукый мәгълүмат порталында урнаштырылган.

2019 елда эвакуаторчыларның хезмәте – 3 мең 109, ә 2020 елда 3 мең 221 сумга кадәр артачак.

Шул ук вакытта октябрь аеннан В категориясенә кергән җиңел автомобильне штраф стоянкасында саклаган өчен акчаны азрак алачаклар. Ул сәгатенә 60,9 сумнан 52,46 сумга кадәр кими. 2019 елда исә бәяләр – 55,6, ә 2020 елда 57,6 сумга кадәр күтәрелә.